【上女朋友屋企仲驚過gpa拎2】
話說前幾日發生左件好搞笑，又幾悲慘既事...就係喺連登導討論區有位巴打求救，以「女朋友以為屋企冇人」作為標題，文字直播自己困喺女朋友衣櫃既事。因為事主女朋友初初以為屋企冇人，叫事主上佢屋企搞搞震，點知對方屋企人突然返曬黎，搞到事主被迫呢埋喺女朋友衣櫃度足足幾個鐘。喺呢個又攰又餓又急又驚既moment下，相信男人都係寧願gpa拎2好過。
最好笑係唔少巴打都有相同既經歷，有啲就霸氣未著衫當口當面撞破，有啲扮做功課順利過骨，有啲....就同事主一樣呢埋喺衣櫃度，飲住屈X氏啲水過活。萬一急尿點算呢？師兄教落痾返落同一個樽度囉，核突.....？唔係點呀？痾嗰陣仲要輕輕力，唔係就比人發現功虧一簣。師兄仲提醒聽到冇聲同熄左燈都唔好出去住，皆因人地屋企人有機會痾夜尿架。
其實明明自己屋企有PS4，仲有軟淋淋既大床，依家竟然淪落到做衣櫃裡面唔見得光既「賊仔」的確難受既。但認真男仔去女仔屋企係比較危險，你覺得喺自己屋企搞人地個女比人發現嚴重啲，定係喺佢屋企比佢老竇發現自己個女比人搞好啲呢？所以冇咩特別真係搏唔過，我都唔想喺報紙A1見到「女友家中過夜，遭揭發後被斬，父親被捕」咁樣樣呀。
最後呼籲：次次上去都心驚膽跳既話，不如直接喺出面開房算啦，何必作賤自己呢？ (件事詳情喺 https://lihkg.com/thread/107768/page/1 可以追返。)
Search